Implantet dentare për personat me pak kockë

Implantet dentare për personat me pak kockë

Dëshiron të rikonstruktosh buzëqeshjen tënde, por ju kanë thënë se nuk keni mjaftueshëm kockë për implante dentare? Ky është një shqetësim i zakonshëm për shumë pacientë që kanë humbur dhëmbët prej kohësh ose kanë përdorur proteza për një periudhë të gjatë. Mungesa e kockës në nofullën e sipërme ose të poshtme dikur konsiderohej pengesë serioze për vendosjen e implanteve, por falë zhvillimeve në teknologjinë dentare, ekzistojnë sot zgjidhje moderne dhe efektive edhe për këto raste. Në këtë artikull do të flasim për alternativat më të avancuara që ofrohen për pacientët me pak kockë, me fokus të veçantë te implantet zigomatike – një teknikë inovative që shmang nevojën për mbjellje kocke dhe ofron rikthim të buzëqeshjes në mënyrë të qëndrueshme dhe funksionale, tashmë edhe në Shqipëri.

Pse Mungon Kocka Tek Disa Pacientë?

Humbja e kockës në nofull është një proces i zakonshëm që ndodh zakonisht si pasojë e humbjes së gjatë të dhëmbëve. Kur një dhëmb mungon për një kohë të gjatë, kocka përreth rrënjës së tij nuk stimulohet më përmes përtypjes – dhe me kalimin e kohës, ajo fillon të atrofizohet (të tretet). Ky proces mund të ndodhë më shpejt në nofullën e sipërme, duke krijuar vështirësi për vendosjen e implanteve klasike.

Disa nga shkaqet kryesore të mungesës së kockës përfshijnë:

• Humbjen e hershme të dhëmbëve dhe mungesën e zëvendësimit të tyre

• Përdorimin e gjatë të protezave të lëvizshme që nuk stimulojnë kockën

• Sëmundjet periodontale (infeksionet e mishrave të dhëmbëve)

• Trauma ose dëmtime të mëparshme në zonën e nofullës

• Probleme kongjenitale (të lindura) që ndikojnë në formimin e kockës

Në të kaluarën, pacientëve me mungesë të theksuar të kockës u kërkohej të kalonin nëpër procedura të gjata dhe të ndërlikuara si mbjellja e kockës ose ngritja e sinusit (sinus lift). Por sot, falë zhvillimeve në implantologji, ekziston një zgjidhje më e thjeshtë dhe më e shpejtë: implantet zigomatike.

Implantet Zigomatike : Implantet dentare për personat me pak kockë

Implantet zigomatike janë një formë speciale e implanteve dentare që përdoren kur pacienti nuk ka mjaftueshëm kockë në pjesën e pasme të nofullës së sipërme. Ndryshe nga implantet tradicionale, të cilat vendosen në kockën e nofullës, këto implante janë më të gjata dhe ankorohen në një pjesë tjetër të kafkës – në kockën zigomatike (faqe), e cila është shumë më e fortë dhe më stabile.

Ky lloj implanti është projektuar për të shmangur procedurat shtesë si mbjellja e kockës dhe ofron një zgjidhje të qëndrueshme për pacientët me atrofizim të thellë të nofullës së sipërme. Në shumicën e rasteve, kjo procedurë mund të realizohet në një seancë të vetme, dhe pacienti mund të largohet me dhëmbë të përkohshëm të vendosur menjëherë pas ndërhyrjes.

Si funksionon teknologjia:

• Dentisti realizon një kontroll të plotë me imazheri 3D për të analizuar strukturën e kockës.

• Përcaktohet plani i trajtimit në bazë të pozicionit të kockës zigomatike.

• Implantet zigomatike vendosen përmes një procedure kirurgjikale të specializuar.

• Në shumë raste, vendosen menjëherë dhëmbë të përkohshëm për të përmirësuar estetikën dhe funksionin.

• Pas disa muajsh, vendosen dhëmbët përfundimtarë.

 

Implantet dentare për personat me pak kockë : Nëse ke menduar se mungesa e kockës të pengon të rikthesh buzëqeshjen tënde, është koha të zbulosh mundësitë që ofron implantologjia moderne. Implantet zigomatike janë një zgjidhje efektive, e sigurt dhe pa nevojë për procedura të gjata si mbjellja e kockës. Na kontakto sot për një konsultë profesionale dhe zbulo nëse kjo teknologji është e përshtatshme për ty. Rikthe besimin dhe funksionin e dhëmbëve me një trajtim të personalizuar, të ofruar nga specialistë me përvojë.